原本沒想過要寫，預定run-in個多月後才寫review，但有朋友所託，今次就簡單寫幾句。

從來我用便式耳機都唔會加amp，因我覺得出街用的最重要係方便，一舊二舊實在有違我原則，所以我只直插音源去試。

老實講，對13pro完全未run-in，點可能有好効果，果然如我所料，第一次試聽沒太大驚喜，尤其對於我這種長期用開UE的人，會覺得聲底跟UE的没太大偏差，也是走清爽鑑聽路線，不過，初聽覺得三頻尚未銜接，像斬件一段段，這有待run-in後改善。

驚喜方面是有，低頻方面做得好好，聲音夠實淨，但應有更進步空間，有待run-in後改善。

人聲方面比10 pro、7 pro的略前，比喻來講，就像舞臺前欣賞歌手演出的距離。

高音方面，控制得好，不會過尖及刺耳，但略嫌久缺圓滑，都是一句，有待run-in後有更進一步表現。

定位、方析力方面，依個真要讚，表現只稍遜我那對Qualia010耳筒，好！！

聲場方面，有包圍感，但跟耳筒仍有一段距離，用耳塞唔好對此要求太多。

中頻方面久缺驚喜，只是比較清，但不見特出，有待改善。

總括：初步沒有所謂一聽即WOW的感覺，這篇文只是preview，太早下定斷實在不公平，但我非常期待這13pro過百小時後表現。

補充：個人覺得這隻JH13Pro近似Grado PS-1耳筒，不過係加高方析力减Grado式人聲。 (待續)

JH13 Pro，今日終收到~~~

炭纖維盒一個，同UE嗰款差唔多，都係冇乜用~~攞咗個餡就掉埋一邊。

幫我做錯色，我要銀色，依家隻色好gay...

6單元，但個size仲細過隻 UE7 Pro

又要開始馬拉松式煲機~~真慘~~~聽感後上。

終於配好最後一條電源線，一直以來由牆插到拖板可以話係我全套系統中的weakness link，之前試過幾款線，但効果都強差人意，某部份用家對此線有不錯評價，見有團購又不太貴，就冒小小險買回來試試，初步聽感，整體上有提昇，尤其力度及背景有明顯改善，但應要再run-in多一段日子才見真章。

前日收到4粒全新的OPA627SM，聞說此OPA有廣闊音場，通透聲音及動態有力的特性，所以一回家立即將舊有的OPA111SM拆掉再換上，初步聽感，感覺上各方都有明顯改善，尤其動態方面，我會講111BM較627SM斯文，627SM聽出來的感覺較有力度，會刺激澎湃一點，但控制力好像不太穩定，可能新組件需時間磨合，希望有改善。

服役兩年，辛苦哂！今日要講再見，希望新主人會愛惜使用。

依家剩下QDB76伊人獨憔悴，上格床位靜待新成員到來。

一直都差一條電源線，一直發夢想買條Stealth Dream用，但個價真係發夢先買得起，最近又俾我揾到條demo二手Dream Digital(個價仲非常ok)，終抵受唔到誘惑，冒食樹皮之苦出血買返來，前日剛從美國送到門口，依家插住部One煲吓先，之前一直在那條JPS Aluminata轉去插amp，感覺上各方面有提升，尤其細節及尾音方面多返少少，詳細要等再煲多一排先下定斷。
 

近日太懶，成幾個月冇寫blog，近日入咗唔少玩具，Audio Replas的拖板、Acoustic revive RD-3、Chord QDB76、仲有Wireworld條USB等，最有驚喜的都算部RD-3同QDB76，先講部RD-3，以前我一直對呢類消磁產品的功能存有懷疑，但世事總係咁玄妙，真身試過部機先發現原來消磁前後分別可以咁大，不過老實說話，我個人覺得消磁對新買CD的功効不太顯著，反而對有一定年份以上的CD，差別立見。

最明顯係之前由倉底揾返張Wham!!The Final 86年的舊碟，此碟乃係我在日期間一間好舊的二手CD舖買的，未消磁前聽過數十次以上，完全唔覺得隻碟有何問題，但消磁後再聽，不得了！音色較之前通透，細節亦多返，完全係兩隻碟風格，今次果然冇入錯貨，計條數我日日用，總算值返咁價。

P.S. 都係Xanga好用...冇計...

Xanga係幾好用，可惜喺大陸俾人Block哂，攪到去開大陸有時想用都唔得，逼於無奈，只好移民到Blogger，依家只好螞蟻搬家咁將D有用舊Blog慢慢轉過去，真係幾煩~~~~

http://zelo24.blogspot.com/

前日剛收到從日本幫回來的玩具，木頭家族又新添一員，剛開箱，煲煉後寫聽感。

近兩月忙完地獄式出差後，又到屋企玩裝修，為免有意外閃失，所以浩浩蕩蕩咁將成套器材搬去安全地方，原本只諗住放埋一邊，但近日突然興之所致接上所有器材，因放置地方較家中寬惝，所以可盡量分開放置，當然唔需要再接上平價拖板，每台機分別接上個別牆插，暖機30分鐘後，插上耳筒一聽，咦~~~有些奇怪，點解比起家中聽的感覺咁唔同.....背景靜咁多，音色順好多，其實我都猜想到一二，家中電源是問題樽頸位，一個拖板又落CDP、又落Amp、又有其他火牛及器材，邊可能有靚電源供應，心諗剛好間屋裝修，順便一次過加個靚牆插，以後唔使煩。心目中牆插有幾個牌子想買，Wattgate、古河、CSE及關口精機，不過經選擇後，最後還是放血選購了Wattgate381包銀牆插，期待安裝好後接上器材表現。