New Xanga sucks~ going to give up posting here... anyone has good advise where I should go...

數月前去番Headamp網站睇吓Justin最近有咩搞作，原來佢終於完成咗套新modules(講咗7、8年有多)，所有產品會全換上依款新modules，於是我口痕問吓Justin我部舊GS-1可唔可以換，估唔到佢又接受order喎，你對舊客咁好service我梗係即訂，佢仲好快手即用USPS寄俾我。但原來世事係唔會咁如意，件郵包寄出近兩個月都收唔到，只係Track到件貨停响Chicago就停咗喺度，於是我分開問香港同美國郵政係咩問題，答案當然全部係遊花園，喺冇辦法底下只有用chain e-mail戰略日日追Justin，個多星期後佢收番件貨，原來佢地址寫漏好很多資料，我之後就極力要求佢用Fedex同寫足地址再寄出，最多費用我付，佢冇錯係應承你，不過一路拖到你想打X佢，於是又再用chain e-mail戰略日日追，最後今日終於收到。依個週未可以A/B吓新舊modules嘅分別。

冇買耳機補品都有一段日子，唔係條Silver Dragon壞到冇得整我都唔想揾，另一原因係坊間實在太多所謂發燒線真係好呃錢，再加上隔山買牛又好冒險，所以用得到我都唔想再揾。直到昨日試過朋友帶來嘅新線，試過後發現原來土炮都有好嘢，牌子叫labkable，所以就親身上舖睇吓咩料，由於太耐冇蒲，心情有小小似以前newbie嗰時，好唔好意思咁問位四眼哥哥有冇CM線試，好彩位四眼哥哥好好客，一手攞兩條線俾我任試任玩，(原來香港線舖都有service)，試咗一陣，個人較喜歡條Silver Shadow ，聲底有小小似我之前用過嘅SXC，(SXC曾係我最愛，分析同音樂感好豐富，但線身真係太硬，出外好唔方便 )相反Silver Shadow線身較軟，音色比較平衡，手工亦唔錯 ( 同條silver dragon比真係天同地 ) 所以我好快咁决定入一條試試。就咁...又有新玩具~~~

眨吓眼原來個Blog冇update成年，2012年需入咗幾件玩具，但最驚喜嘅只可數 47 labs嘅 0247 headamp，不過因舊年聽歌時間太短，部amp仲未完全開哂聲，所以唔會寫review住。

另一原因係我已逐漸轉向兩聲道發展，所以我決定冒住全年捱食樹皮下購置Chord嘅前、後級，好彩因緣下俾我用筍價揾到部5000前同部4000後，有朋友問因咩事轉玩兩聲道？我只答其中一樣係因為佢 Franco Serblin Accordo~~

當然，玩兩聲道前嘅準備功夫唔可以太馬虎，好在經多年玩落嘅線材、器材大部份都可用得番，放血都唔會放盡。

準備之一係要將我所有血管(線材)通一通，所以揾咗一部叫Blue Horizon Proburn嘅器材幫手，說明信寫最好burn佢24~48小時，機身上除咗冇電源線接頭，機身細細但基本上有齊哂XLR、RCA、Speaker Terminals接頭，所以我全部駁哂上去費事煩，結果係點？要等下星期安置好先知啦。

其實接哂所有線都幾壯觀，成隻大蜘蛛咁~~

今年適逢Audio-Techica 50週年，一如所料，公布了數款限量記念版耳機、耳擴，不過數款中我只對隻木頭製耳筒有興趣，所以一早已鎖定目標ATH -W3000ANV，正苦惱從何入手之際(找代拍定苦求日本客人代買)，適逢我唐弟一家正打算回娘家日本，仲要踫正發售日，真係時間啱啱好，有咁好時機一定"食住上"，真係難為哂~~

前星期終於入手，但到今日先正式有時間開箱~

跟之前幾代的包裝一樣，黑色盒做外盒。

第二層外皮，紅色紙皮加一個logo

左上角有個50週年紀念嘜頭

跟住又一個彷皮黑色紙盒

今次個包裝需則都有絲布內籠，但講真，個包裝真係一代比一代差，W2002有個suit case，L-3000都有個絨盒...真係好冇誠意

見接口跟線身造工都算有返安慰~

耳機罩"閃閃令"，承貫W11JPN、W2002、ATH-ESW10血統

就咁睇都算係一件藝術品~

特別鳴謝Jacky & Yuki，返娘家探親都仲要浪費寶貴時間幫我左揾右揾，仲要出動埋Yuki爸爸，又要佔行李位帶回來，真係無言感激！(m^^m)

用咗ALO SXC IEM Cable一排，聲底係好因嫌線身太硬，出街用不太方便，最近得知Moon Cable有條Silver Dragon IEM新線，見不太貴就姑且訂條試一試，今次Drew哥今次好快手，落order到手前後不用兩星期，煲一排又可以同條ALO SXC拼一拼。

包裝真係簡陃到冇朋友，求其用個窑纣袋加張紙就算....

線身非常柔軟，造工倘算合格

個接口位較ALO SXC實凈，之前用ALO條線放袋後週不時"脫線"，成日驚趺失，又有時要喺袋度揾一大輪，真係用到一額汗，睇吓呢條銀龍可唔可以"咬實"隻耳機。

近日開返個account睇睇，原來冇update已有成年幾...老實講...現今對耳筒、Hi-Fi 嘅熱情係有少少減退，( 簡單小小，係Leica嘅錯 ) 但久不久我會身痕試吓新嘢，近日新寵係呢對~

又係木頭嘢 (需則只係小部份)，哦哦~~~

近日開返個account睇睇，原來冇update已有成年幾...老實講...現今對耳筒、Hi-Fi 嘅熱情係有少少減退，( 簡單小小，係Leica嘅錯 ) 但久不久我會身痕試吓新嘢，近日新寵係呢對~

又係木頭嘢 (需則只係小部份)，哦哦~~~

Ray哥，你唔好再玩我，部機整咗不下十次，來來回回的運費夠我買隻新耳筒，今次又話幫我check好先寄返來，但又再舊病復發，左邊道出電流聲，好彩我今次醒目，一聽唔對路立即將隻HD800拔走，之後再用番隻ipod白兵來試，一試果然又有料到，左耳driver有熱量，跟手燒單元，部PK Apache已KO我隻010(我仲考慮點修)，今次好彩冇燒另一隻，產品咁嘅QC，我以後點信你！真係唔爆粗唔得！DLLM $%*$我對此品牌信心已直插谷底！

我另一部amp GS-1，同是美國出品，需然Justin老兄手腳慢，但我用了三年仲咁好聲兼未曾壞過，唔該阿Ray哥你反省吓！

下星期試吓部SPL Phonitor先，部Apache就算醫返都打入冷宮！

今次Jerry相當有効率，耳機寄出一星期不到就幫我refit好兼寄回給我，耳管部份已改短，不過總覺得短得有點過頭...

可能之前因大收訂單以致手工較參差，今次refit後的手工做得相當好，比起之前更合耳型，唯一缺點係耳機上的碎花圖減少了。