兩個月内連去上海、蘇州數次，晚晚陪客食飯，餐餐一隻大閘蟹，需則好食，但日日食真係好滯胃，依家真係見到蟹字都驚。但每次帶十多隻回香港，見家人食得多滋味，又幾開心。

前日行開銅鑼灣，見有一問寿司店未試過，心諗四圍咁多人、又唔想揾第二間，卒之走入去試，店内格局跟一般回轉寿司店一樣，座位密密麻麻，食物一般但選擇不多，好過元氣少少，不過先不講食物，先講一段小插曲，話說食了頭幾碟寿司，不知從哪飄來陣陣霉香，左望右望後，卒之俾我發現坐我旁邊條"年青粉腸"，除咗隻波鞋打大隻死人爛腳，難得在佢旁邊的女友可以忍受(可能已習慣)，估唔到食寿司有鹹魚送，認真驚喜，另外估唔到依家香港年青一輩可以倒退至如此低質，我仲以為只有盲流才會在公眾場所做出這類行為，你係得嘅！末來香港靠你啦！！

果然冇買錯！我一向覺得UE10pro太reference，用來聽pop、rock太淡加上高音太尖，7pro聽pop、rock較有節奏感，可以話加咗少少味精，其實聲音取向跟ES3取向差不多，之前亦有想過買ES3，不過可能是三段分音關係，ES3出來的聲音彷似被斬開一段段，再加上代理愛理不理，十問九不應，幾千元不放在眼內似的，我才會改訂UE-7Pro。等我將隻耳機run-in 200個鐘後再寫個review。

                     新包裝                                                           金屬盒上印有我名 ^_^

          送多個金屬小盒方便携帶出街                                        耳塞上刻上我initial~

             佩帶上的樣子~~

今日真係開心到不得了，長達兩個月無休工作月終於暫結，跟住我之前訂購的UE-7 Pro到手，不過要數最開心，就非去睇久石讓2006亞洲巡迴演奏會莫屬，多年心願終可達成！

認識久口讓要從多年前一套叫'天空之城'動畫開始，故事故然吸引，但動畫中的配樂更讓我著迷，可是當時只是學生哥一名，實在買不起日本版的原聲大碟，不過，那時有台版CD可選擇，需然質量較差，但價錢合理兼要求不高，總算可止渴。直到有一次，在一間CD舖見到這隻碟。

忍痛用了二百多元買了回家，一聽之下，已被內裏的交響樂章深深吸引，隻碟我已聽了差不多十年以上，仍然是我最喜愛的一張碟，而且直到現在我仍保存得很好，那時我有個夢想，就是有朝一日我一定要聽一次現場。但估不到這個機會是十多年後今日，其實今次可買到門票真是有點幸運，事源是上一次到文化中心看黄凱芹演唱會，末開場時無聊一逛，見到有這次演奏會的宣傳海報，那時我立即飛身到購票站看看運氣，先發覺原來公開發售已有一段日子，所以門票已賣得七七八八，只淨下$480邊位，不過機會難得而且只公演一場，再加上今次看不到不知要再等何時，所以我都照價買下。今晚一看，果然看現場的跟聽CD的不一樣，現場聽到的每一粒音韻，都彷彿聽到每位樂師的努力及汗水，加上久石讓的精彩演出，無論鋼琴獨奏及作指揮，都非常落力，所以門票需貴，但已覺物有所值，能看得到現場演出實在太好，現在真的希望將來再有機會欣賞。

噚日講完部iPod Shuffle 2，今日忽發奇想來個無聊另類玩法，試試接上大耳筒聽聽，估唔到部iPod Shuffle 2機仔細細，又幾好力水，開盡音量推隻K-1000居然拍得住部iPod G3。

部機需然夠細，但底噪幾明顯，平時我唔太介意這問題，但這小玩意的問題真係幾厲害，不過算啦，最緊要夠方便，依個先係我買佢返來的目的。

接上HD650 + ZU Mobius

搭K-1000又得

佩L-3000都得

服務48年的中環天星碼頭終於在二零零六年十一月十一日午夜十二時，鐘樓連續鳴鐘12次後，正式完成歷史使命。又一歴史建築要拆除，舊建築敵不過由一羣無能政府官員管治下的時代洗禮，被迫讓位退休縢出空地，留給一身銅臭的商厦，身為香港人都覺得悲哀，唔知拍板下決定的，將來向他們的下一代提起這事，會否感到自豪？

星期五晚收到臨時通知，這星期的上海之旅延期一星期，聽到真係開心到飛起，心情就似沙漠中缺水多日，突然間揾到支寶礦力咁，為報謝自已個多月冇休息兼幫公司接多訂單，今日走去買隻iPod Shuffle 2送俾自己，以後出短途可以帶少一大件，部iPod G3真係好太部....又食電....需然用咗咁多年我仲好鐘意，但都係留俾長途用。可能有一部份人覺得Shuffle可能唔好聲，但我可以話你知，出街用只求輕便，要聽好音質，我情願留家聽耳筒，要我帶一件二件，又amp又CD出街，帶咁多件頭出街，這何謂隨身聽？真係踩佢都儍。

又忙足一星期，終於有機會坐底靜靜地、飲杯威士忌寫Blog，不過預計嚟緊今個月又係一個'忙'字，冇法，後生唔博等幾時，好彩都可以忙中偷閑，上星期五即日由上海來回返香港後，需然好累，不過總算趕到返來睇星期六晚那場坂本龍一 x Alva Noto演奏會，成兩個月前預訂的門票總算冇白費。香港大會堂個名就聽得多，以前一直過其門而不入，今次去大會堂聽演奏會真係成個大鄉里咁，幾興奮。

講返演奏會，老實講，開始頭一、二首曲目真係唔懂得欣賞，聽落仲有少少不耐煩，真失禮，但聽到第三首後，可能已習慣音調及已投入音樂中，開始發覺兩種不同類型的音樂原來可以配合得非常好，一台鋼琴加電子音樂配上視覺影像効果竟弄得如此出神入化，真係佩服兩位大師功力，趕得切回來看實在太好，需然唔知幾時會再有重演，但今次有機會聽到兩位大師公演，總算不枉我預早訂票及趕回來看。

前日剛從北京回來，位都末坐暖又有通知要出差，聽朝又要搭早班機去上海，仲要即日來回...真係早機去、晚機返，跟住星期日又要飛去南寧兩日，下星期回來後又要再飛去上海幾日，死末！連下星期我已連續四個週日冇放假，即係成個月冇休息過，再咁攪法真係命都冇。

又到北京

 

星期日晨早起身搭早班機趕過來北京，需則叫趕，但國內機點會唔Delay，今次好少少，喺飛機只坐多一個鐘先起飛，仲末破我舊紀錄，最後到出機場一共前後延誤咗兩個鐘，換來九千幾個追魂Call，真係點預算都冇用~~之後去到酒店，放低行李連臉都冇洗就俾人捉咗去，跟住又搭成個鐘頭車去到一個工廠，嗱嗱聲又要做準備做一個高科技產品滅火示範，(*註*呢個示範只係為星期一個重頭做預備)，末做之前問過班友仔用來示範的滅火劑係乜類型，點知班友仔只係識答係消防局用開，詳細資料唔清楚...大佬呀！要用嚟救油火架！用錯比率救唔到點算！(*註*點解咁多人唔做要我做？因為冇人敢孭~)

 

Ok！Fine~就試吓用0.5L加水做一次，好啦！出事啦！果然比率唔啱，個火完全控制唔到，又冇防火衣俾我用，走唔埋個油盤仲要被燙傷少少。點呀！唯有再試，Ok~ Take Two~今次用0.8L去試，仲要加埋防火衣、頭盔，需然得出効果唔理想，但都叫一Take過，如是者一共做咗3次，加埋講解，卒之攪到半夜1點先返酒店，話就話準備好，不過都係好擔心星期一攪唔攪得惦，要對住一大班北京大官，今舖唔惦真係摺得，諗吓諗吓，又用腦做無數次模擬實驗，卒之成晚冇得瞓?/span>

 

星期一

 

晨早又坐一個鐘頭車去到北京總隊消防學校，去到準備完就要等班大官過來，老實講，今次真係驚，一來我唔係專業消防員，要喺成班消防員面前做滅火示範，、實在係班門弄斧，仲要有一大班人望住你，壓力好大。第二、今次攪唔惦真係乜面都冇，呢行行頭好窄，一fail就全世界知。第三，個系統滅唔到火將會損失慘重，喺國家首都攪唔惦傳返出去，大陸以後唔洗玩。我?/span>真係驚到手震兼呼吸急促。

 

浩浩盪盪终於開始，不過，這時先發現預先安排嘅防火衣唔啱Size?/span>條褲短到著唔落，算~唔用褲，只穿上衣，後又發覺油盤俾前晚試的大一倍，呢個唔算都唔得，因為已冇回頭路。

 

示範流程如下，一) 先救柴油火，再滅固體火，依個Easy Job，1 Take過30秒內攪惦。 二) 先救汽油火，再滅固體火，依個有難度，因為汽油燒得比柴油厲害，燃點低，所以復燃會好快，速度唔夠好易衰收尾，點火後，果然如我所料，火大得厲害，不過可能之前已做過一次關係，膽大了，所以可以十五秒內滅咗油火，Yay~ Go me~~最critical嗰兩個示範卒之攪惦，之後全部可以話Piece of cake，過關！

 

如圖

 

       

最後，當然皆大歡喜，终於可鬆一口氣，大官發表講話高度讚揚，之後，我成個人虛脫咁坐喺地上，心情真係好復雜，但嗰種成功感真係非筆墨可形容。北京之旅完成第一步，跟住嚟緊幾日展覧會又再砌過。

 

想知乜係專業？睇吓段片，先旨聲明，片中人唔係我。

噚晚去香港文化中心睇完Chris嘅演唱會，腦海又重温十幾年前喺温哥華第一次聽佢唱現場，水準依舊沒退步，唯一要挑的是唱"愛很簡單"、"相愛很難"呢兩首歌有少少力不從心，反而唱哥哥首"最愛"就好有感情，不過唱自已歌就真的太少。另外Vivian嗰part，需然好用心唱，但佢唱到有氣冇力咁，跟管弦樂團完全唔夾，不過總括嚟講可以話冇買錯飛，值得捧場。

末開Show前見到"久口 讓"會來香港，撞鬼！真係後知後覺，嗱嗱聲衝去售票處睇睇，嘩~只淨$480.....死死地氣又科水~~~

講返厚顏人事件 (水尾 )
依個係之前被Lock嘅Post，呢段都算係經典。
http://www.mingo-hmw.com/phpBB2/viewtopic.php?t=36424
啱啱見到呢個Post
http://www.mingo-hmw.com/phpBB2/viewtopic.php?t=36482
見到版主回佢嗰段，真係好攪笑，一個搏同情扮風度, 一個扮好人，你兩個玩埋落去啦，嗱~學嘢啦，依個係以退為進，指鹿為馬嘅好例子。仲要記住充大頭要充到底，要被人踢爆都唔可以面紅。
呢個綱站都係留返比佢哋玩，我就冇心情再post分享同心得，反正要試嘅我試過哂，我要買嘅唔會喺度揾到，要約出嚟傾嘅又有4仔Group班友仔，諗諗吓都係只出灌水Post算數。

近排真係忙得厲害，今朝又收到通知要我禮拜日飛上北京，連住做埋個展覽即係我將要逗留10日，真攞命~
呢排收到好多friend嘅e-mail，說來真係慚愧，一封都冇回過，都係時候檢討吓~
不過有好幾封唔知點回，其中有一封有一段內容如下:-