玩完大踢爆，諗住水尾冇嘢玩，估唔到又嚟料，一大班人加入，仲勁過"天下圍攻"，跟住佢發表聲明澄清兼企硬，其實佢唔駛解釋咁多，開多個Account咪又一條好漢。阿哥仔，果然不折不屈、臉皮夠哂厚，你係得嘅！

講返黄子華，記起有一段幾精警，佢話現今香港男人要三不，[不追求]、[不妥協]、[不負責任]，當然箇中意思唔係字面上見到咁簡單，想知？買飛入場睇，邊有Free Lunch架~

喺耳機綱站同個叫Edxxxxsxx314友仔玩咗兩日，真係再回去都唗氣~
事因: 條友仔老吹，個故仔真係信佢嗰個傻，寫嗰個以為人儍~
http://www.mingo-hmw.com/phpBB2/viewtopic.php?t=36216
跟手自編自導
http://www.mingo-hmw.com/phpBB2/viewtopic.php?t=36285
再嚟
http://www.mingo-hmw.com/phpBB2/viewtopic.php?t=36338

解畫時間:-
前事睇第一條link，跟住論壇上各人開始懷疑，(對耳筒好罕有兼要港銀約15k)問佢有關耳筒事情，佢支吾以對，帶人遊花園，又話攪唔惦所以想放，點知成班人話想要(我估佢諗唔到)，之後又話唔好意思賣人心血，要寄番俾人，隨之開第二條Link，隆重其事問人用乜速遞公司好。
跟住叫佢Post相又扮忙，隨之又開第三條Link，話張Memory Stick有事，D資料可能冇哂(咁啱?)。

老作充大頭我都有做過，但係佢真係冇乜誠意，最低限度都做吓功課先，個故仔作好少少，難得佢可以厚顏至此繼續回文，乜用物質充撑真係咁威？

前日睇完黄子華 "兒童不宜"，上一次睇佢表演應該係五年前温哥華，今次再睇，佢D精警對日一樣係咁正，需然同我之前睇詹瑞文的大徑相庭，但真係各自各精彩。

耳筒耳機玩了多年，係時侯偈一偈，下星期訂過UE 7 Pro後，耳機唔會再買，耳筒暫時已鎖定MDR R-10或Qualia 010，之後亦會收手，不過兩隻都好罕有，認真可遇不可求。

第一次開始寫Blog(真係好out)，個Account 已register咗好耐，以前一路諗究竟寫唔寫好，因為一來冇時間，二來好煩(我至怕煩)，但係人老咗真係記性差，唔寫低好易忘記(死...可能老人痴呆)，今日都係"的"起心肝開始寫，有D嘢唔開始係永遠唔會做落去，遲下有時間先再update~~

續~