事緣:-
Mingo兄，想請問一下在相片中那款(上邊那對)Grado專用大耳罩有沒有辦法拿到？Thanks!!

一直不在香港，有時間定找機會到您新舖參觀！

Patrick

嚟料一:
找不到。

如果您認為一個騙人錢的俱樂部、一個如此無能及不值得信任的人開設的地方、也值得您上的話、隨您喜歡。

Mingo

到我覆
Mingo, thanks for your time in replying. I
sensed quite a bit sarcasm in your writing but I have no idea why you
were writing this. Do you mean something to me? I am highly uncertain
in perceiving your words.

又嚟料二:
二月討論區發生的事我仍記憶尤新、我為了這些事不只哭了幾次、我的確心碎了、或許應該說、對一些資深會員在事件中的態度心碎了。

我不想再提了、免得再令我傷心。

Mingo

我再覆
你的回覆更使我莫明奇妙？ 我唔介意你認錯人，只係我要澄清一點，我之前只係對某版主處事不公及對綱站有意見才出post，你店舖的經營方式我冇意見，我舊post亦冇發出任何關於你店舖的事宜，是否有份參與討論就被black list??

佢明知理虧在先，又唔覆當冇件事，我只好再覆，反正佢都唔會當一回事:-

Mingo大鑒

三日前發給你的PM我相信你已看過，但一直未有收到你回覆及表示，我估計這次你又想把事件石沉大海、不了了之，對於你的無的放矢，亂加莫需有罪名
給別人，我相信你完全不覺一回事，另外我亦相信你如以前一樣絕不對他人認錯，對於你這種待人及對事件退縮和消極的態度，我深表遺憾，及?#25105;哭了~~

對於你的簽名上寫著。'尊重、接納、同分享。 關懷、守時、重承諾'我想你要再三反思自己能不能做得到，要知道形像不是只用口說，是要做得到才可說服別人，俱樂部有眾多少年以你為偶像及有幾位更當你做爸爸二號，請不要令他們失望。

另外對於你上一封PM說你為了二月份的事宜不只哭了幾次及心碎，我起初看到的確牽起我萬般同情及關注，但經過幾天反思後，我錯了~例子:
歴史中劉備用眼淚可留得住英雄豪傑因為他有廣闊胸襟。但...你的不同，所以完全不能打動我，想知道為何大部份資深會員離去？現在還有幾多位資深會員發
文？耳筒區的水文量為何可以'水'過吹水區？作為本討論區主人，我相信你已心中有數。

俱樂部我不會再去的啦，我需要買的全數可在外面找到，俱樂部亦無法及可能找到我所需的，所以請放心，估計我對耳筒還有興趣之年，都不會麻煩到你，不過我們都可叫做相識一場，將來街上有機會見面時再打招呼吧。

祝你的店舖愈開愈大，分店數目可媲美Starfucks。

P.S 近日無線播放大國堀起，昨日剛播完第一集，相信可給你無限啟發。

Patrick

期待被Ban~~ Bye Bye Mingo~~You sucks!!!

- 前星期到上海出差，發覺夜晚同平常時總係差少少嘢，原來上海終實施市內嚴禁亂響汽車喇叭，以前三更半夜外面鬼殺咁嘈，依家反而唔慣....
- 淮海路間SONY Store隻Q010問過N次都唔賣，可能約嗰幾位靚女sales食飯仲容易。
- 深深體驗到"出處不如聚處"依個道理，去東北鄱陽幾日，見到嘅東北女人都唔及喺上海、北京見過嘅靚(機場先係主點)。
- 原來東北菜同我哋南方依邊食嘅所謂東北菜好唔同。
- 去過北京幾次，一向對北京印像麻麻，但今次發現都有可愛一面。
- 北京消費貴過上海好鬼多。
- 上面熱到嘔~~
Tra la la la la~~~~~~

聽日開始又嚟料，又有漫長外遊，先來大陸東北、華東、北京十日團，過兩星期就嚟五天日本東京遊，跟住之後有考古西安麻棘四川五天遊，再之後可能有西歐七天開心之旅，再回歸上海做展覽，下半年真係精彩到暈。正~~~~

乜人叫"非洲和尚"，依家真係知係邊種，以前唔覺身邊有依類人，原來近在咫尺有一個，識咗咁耐，好似我欠佢咁，或者佢唔覺一回事，依個純屬個人素質問題，呵呵~好彩唔係深交，依家我睬你都有味！得閑唔好揾我！Good Luck！

- 公司隔離單位火燭，需則冇燒到我呢邊，但兩日冇昇降機用，陣味又難閒，幾惡頂。
- 近日四圍睇接線，做咗cable guy~
- 有人話換Amp好過換線喎，又啱~
- 部Chord One已入狀態~
- 又有個日本朋友要結緍，睇吓有冇時間過去賀吓佢~
- 等人回覆原來好痛苦，尤其萬事俱備時~
- 以前班friend真係好耐冇見，約咗又唔出，依家太耐冇出來見面而變得關係疏遠，真可悲~
- 又要飛~

呼呼~~~~

5月27日ZARD主音坂井泉水因意外早一步移民了，自問我唔算係佢Big Fan，但都叫做伴我成長，
由"揺れる想い"隻大碟開始聽，每首歌都表現出佢對音樂嘅熱誠，"もう少し あと少し?依首歌算係我其中最喜歡的一首，就咁離去實在可惜。近幾年我喜歡嘅歌手一個個離去，新歌手暫時又無一個可表現出其個性與實力，香港樂壇更甚，睇見班所謂歌手唱Live，真係心都離，我估佢哋真係唔識寫個"醜"字，做歌手唔該俾番小小專業精神去練吓聲，完全毫無誠意，離哂題~~

永遠懷念 : 坂井泉水 < ZARD >

噚晚又有每月一聚，今次主題係木頭大戰~有幾激？！睇相！

可惜Andrew部新little dot特別版仲未煲透，特別版有幾特別？係限量內部認購版來的，D膽好罕有，下次要再試！

果然Linn嘅聲不論邊一款型號都唔啱我聽，人聲實在太前，反而部Quad就幾好聲底。

下月再會！

話說上星期五去買CDP，其實之前我已睇定邊間買，所以都唔去其他層，直接踩上英京，可能嗰日我打扮較隨便，睇咗一陣都冇人走過嚟，唯有主動叫個sales，基本上目標已定，我都唔講咁多費話，直接叫佢報價，條友仔都好爽，即刻回價俾我，要38k，個價已經貴過之前嗰個，心想都係買，貴少少都算，費事再揾，所以我都問佢有冇現貨，條友仔話要去倉庫check吓，叫我等等，一分鐘唔夠，佢回我話總代理加咗價，唔俾佢賣咁低價錢，又話英鎊昇值，又乜又實又話冇現貨要訂，開價41k...我聽到後同佢講，我嚟過三次，三次都唔同價，仲要一個月之內，真係個價仲浮個日元，如果跳到40k依一個grade，我有大把選擇！跟住條友同我講話唔係佢唔想賣，係代理唔俾佢賣喎，又話好缺貨(出咗幾年仲咁好賣？)真係睬佢都有味，我話考慮吓先！遲吓再揾佢。
之後直上阿二，即刻同個sales講要部Chord One幾錢，佢回價37k+有現貨，唔講咁多，叫佢攞出來試機，30分鐘攪惦兼攞機走，所以話黑店唔係人唱，香港上樓舖成日俾人話唔老實完全係自已做成！完全多得依班友仔唔少，所以話頭香港始終有你！

(note: "香港一定得"依個標題太out~改一改)

試過好多次都係咁，鼻頭一出暗瘡...必破財，今次都唔例外，話說噚晚又俾人放飛機，自已一條友喺旺角左貢右貢，神推鬼撞上咗友誠大厦，又口痕同D sales傾計，咁就敗咗部CDP返嚟，需然都諗住買，但真係冇諗過咁快手，改造計劃完成第一步，繼續向藍月亮進發！

真係想唔認老都唔得，我細佬上星期決定出年年底結婚，爬哂我同阿哥頭，簡直嚴重超車！不過佢哋拍拖咁耐，照計都差唔多。前日老媽子去黃大仙幫兩口子擇定吉日，依家佢哋已開始忙緊揾地方擺洒、籌備各樣等等，唔好以為依家開始攪會太早，唔早大半年以上訂地方，真係會被訂哂，見佢兩個係咁走來走去，我見到都辛苦，不過佢哋又好Enjoy~~睇嚟我都係時候儲定錢到時做份厚禮，一年時間...應該差唔多啦~~