話說對Nanofiber己run-in一段時間，基本上己入狀態，所以前幾日攞返隻PS-1出來聽，順便試試同對新線夾唔夾聲，一試果然有驚喜，之前用舊setup聽及試過Nig兄嗰隻PS-1，出來効果可以差咁遠，果然此耳筒對前端要求甚高，PS-1的低頻强而有力，質同量絕可KO低頻猛獸 ATH-L3000，亦不像坊間水文評論，欠力度及散亂，人聲方面，比起RS-1較正常，唔會太前但略欠缺RS-1的甜味，唔知係咪新線威力，今次比之前更耐聽，人聲控制得非常好及平衡，不過音場依舊係Grado風格....係零分，此耳筒需叫鑑聽用，實際上聽pop / rock非常合適，尤其聽近排大熱的Gwen Stefani類型音樂，夠哂震撼！另外想講講，Headamp GS-1唔係想像中咁差，夾Grado耳筒真係好合適，有時要將一件器材試得真及將其發揮實力，真係要用多少少時間。

以前聽人講，換線如換機，果然冇講錯！之前試線已覺得好啱用，真係冇入錯貨！

個盒大到你唔信...

兩條黑碳網蛇出洞

線身頗硬，要揾位走先得。><;

接駁後試聲，三頻表現比以前好，背景靜、音色夠實淨，但新線關係，期待煲煉200小時後有所提昇！

同場加映SONY新舊旗艦，有人話新不如舊，即係咁，兩款耳筒各有長短，一概而論者的意見實太偏激，所以我一直好懷疑網上的所謂分享及聚會分享的可信性，我唔相信聽5至10分鐘可以將一隻耳筒的長短全部認知，所以水文都係睇吓算~

仲差一步！2007更新計劃可完成！

三年！足足三年！！三年前第一次喺日本試過己驚為天人，立誓要娶佢過門，奈何"貴婦"身價太高，當時實在冇資格迎娶，唯有儲足盤川再想，可惜到有足夠銀兩時，SONY竟將Qualia成條line廢除，真係晴天霹靂。

Qualia在全球只有三個地方可訂購，Tokyo、New York同Las Vegas，之後我曾多次聯絡Tokyo同New York總部兼親身到過Las Vegas同Tokyo SONY Building詢問，但每次答案都係一樣( sorry ~~ )，因隻耳筒係order to make及依據用家頭型來造的，所以真係好難揾，今日終於俾我揾到，仲要新淨到近乎零暇疵兼合Size，價Ok之餘仲有多組Blue Dragon Balanced Cable跟機，實在興奮( 流淚 )！Last一隻動圈旗艦耳筒已入手，依家只爭一部Amp就齊件！

包裝真係簡單到~~同屬SONY旗艦，R10都有個大皮箱啦...真過份~~

說明書又係一樣，以簡潔為主。

真係新嘅一樣！

In case唔知Qualia係乜，可睇睇下面條link，因為就算香港SONY 內部都唔清楚有呢條line，要我話番佢哋知係乜。

日文版
http://www.sony.jp/products/Consumer/QUALIA/jp/

http://www.sony.jp/products/Consumer/QUALIA/jp/products/010/index.html

英文版
http://www.learningcenter.sony.us/assets/qualia/

等到頸長，K-1終於喺香港有分站賽事，幾年前喺日本住嗰陣只可喺電視上睇，要睇現場真係想買一張飛都難，今次喺香港有幸睇到Live真係開心到暈，仲要價錢平過日本一倍，唔睇對唔住自已。

需然今次大部份有份量嘅選手不在名單上，但都好滿足，本地賽事跟K-1級別真係相差太遠，世界級選手無論力量、技巧跟速度都跟我之前睇過嘅本地賽簡直天與地。

唯一可惜係原本諗住Final會係武藏對籐本，話哂係back to back match，有睇頭得多，王强打出水準有驚喜，可惜臨尾太急功，由贏變輸~~

睇現場真係好睇好多，唯一污點係武藏對王强時，武藏瞓低拋毛巾棄權overrule，跟住王强離開個ring被判輸，全場真係好鼓噪~~~

又一個舊文物要被拆，其實我自已本人對這碼頭的印像不大，以我所知，以前仲好地地嗰陣真係鬼影都冇隻，又唔係景點，除非真係得閒到無朋友先行出去坐坐。老實講，嗰班所謂保育人仕話對碼頭有深厚感情，又反對清拆又絕食，係咪真係咁有感情？之前幾年話填海工程嗰時應該清楚知道拆卸碼頭係工程之一，但那時又唔反對？到依家最後關頭先出嚟話後知後覺要搞保育？真係奇。

我唔反對民主，亦唔反對保育，但都要顧全大局及取得平衡先得，近幾年香港發展點樣大家有眼見，啓德機場塊地空置十年，完全荒費無用途，西九龍發展計劃又拖多年，班所謂民主派日日為雞毛蒜皮小事嘈，為反對而反對，搞破壞兼毫無建樹，當北京、上海諗緊點追近紐約、倫敦之時，香港仲原地踏步玩內鬥，唔好成日得個怨字，得把聲嘈係做唔到事嘅，大家唔一條心，點搞都係惡搞。

尋尋覓覓大半年，亦試過多款牌子:-

Siltech SQ-88 MK II調聲太奇怪，只可以講唔係我杯茶，對上G6個價完全過火位，所以試都費事。
Crystal Cable同Siltech一樣，價格同表現成反比，太唔厚道，加上聲底太剛烈，用上我套系统唔係咁啱。

Audioquest剛出咗三款新型號，價格還可以，條Colombia 48v DBS算幾抵玩，咁嘅水位算交足功課，背景亦夠靜，對線可以話係3k內best buy，可惜太平凡，沒太多驚喜，聽聞新型號材料照舊，只係織法唔一樣，但又調教出唔同聲，AQ工藝確有一手。

Venture cable有三款，我只試過中間嗰款Ruby，條線造工真係一流，仲要粗到嚇死人，第一眼見到仲以為係電源線，對線聲低亦屬一等一，聲音通透、自然，中頻厚，高、低頻亦交足功課，啱哂我要求，跟手問個sales報價，我唔知條友係咪耍我，要成24k per m...又可以慳返~

Nordost有兩款我一直想試，Frey同Tyr，之前一直用開Red Dawn，唔可以話條線差，只可講唔啱我用，Nordost貴就係人都知，個香港代理夠PK更街知巷聞，所以要試就請自已買，之後話我知得唔得~

Taralabs Cable只有Air1同Vector叫做買得起，線身造工不用懷疑，只是略嫌線身太硬，Air1同Vector聲底分別頗大，Air series主力sell空氣感，用speaker効果不錯，但用上Headphone効果就不太理想，Vector主sell定位，一樣...用Headphone又係浪費，所以唔考慮~~

Esoteric / Acrolink，基本上Esoteric所有線都係Acrolink OEM，只係靚嘅由Esoteric個名出，但Acrolink頂級線都不失禮，但價錢亦不失禮，沒辦法，基本上Esoteric線很少外銷，本地定價又係天價，運到香港唔貴就有鬼~~講返對線，接頭用全銀材料加獨家專用設計，造工超班，分析力强，音色亦淳厚，屬一級好線，但價錢真係....

Cardas...依家用緊Kaman借的Neutral Reference，感覺上中規中距，感覺上高頻唔夠盡，略遜色。

Purist Audio Design，為慶祝20週年，出咗幾款線，在我未試之後要講嗰條線之前，確實可以引到我出關，可以話價錢同音質成正比，我個人强烈推介！

Stealth Cable~~啱啱講'嗰條線'就係依個牌子，起初我係想試佢嗰條GS 50 50，不過代理話依條線有問題，之前入過一次貨後已冇再入，之後佢攞咗條nanofilber出來，條線係Stealth Cable新產品，賣點係對線完全不使用金屬製成，線身造工夠哂實淨，接頭亦用專用的炭合金造，欣賞過後，到重點試聲，個sales將對PAD cable拆下再接上Nanofilber，估唔到同一首歌分別可以咁大，首歌變得好有感情、帶有磁性，中頻方面可秒殺之前條PAD cable，分柝力亦强，背景亦非常清淨，換一對接線可以有咁効果，Stealth Cable果然好嘢，難怪上兩星期見到班日本人絕大部份用你牌子！聽聞條Flagship Indra係接線之王，真係想試試，但價錢.....都係諗下算~~

nanofilber 靚相一張

上星期去完年年都規定要去嘅日本之旅，今年時間真係奇怪咗少少，查實應該兩個月前要去，但雙邊太忙而時間一改再改，所以要到七月先出發，今次要討論嘅topic亦比較多，攪到想竄出去玩都無時間。

見番一大班以前一齊工作嘅舊朋友，需然大家最近少聯絡，但大家關係仍然非常好，客氣到不得了，每次去日本，基本上食飯、飲酒佢哋全包，真係過意唔去，唯有等佢哋嚟香港先補請。最可惜係有幾位好友己辭職返老家繼承父業，今次見唔到面，不過都有用e-mail聯絡，下次有時間一定會再見面。

原本諗住留多一日，同班友仔去某friend老家'逗子、葉山'玩Jet Ski，依個係每年夏天必定節目，以前喺日本期間，逢夏天七、八月每星期我都會去，不過返嚟香港後已兩年冇去過，所以都幾期待，但好衰唔衰日本嗰幾日打大風，仲要好强嗰隻.....唯有取消........真係浪費咗唯一一個假期~~

今次又被幾位老前輩'訓話'，又講工作需重要，但成家亦重要~~依排真係去邊度都俾人話，乜我好唔定性咩？XD

上星期同某位女性朋友mail，日本用電話e-mail好普遍，原本當傾吓偈打發時間，但佢覆番嚟語氣真係幾奇怪(曖昧？)，實在太難明白~~要揾高人解畫先得。

揾唔到Q010.........非常失望。

今朝返工收到一封由一位日本我非常要好的朋友的報喜e-mail，佢同我可以話親如兄妹，因為大家背景差唔多，佢係喺香港長大(但唔識中文...粗口另計)，又去過加拿大讀大學，返日本後，又喺日本同我做過同事，所以同我好啱傾，可以話無所不談，由佢認識現任丈夫開始，到結緍後都keep住聯絡及講吓近况，今日佢話有咗BB，聽到真係好開心，前年我冇參加到佢婚禮，已覺得好遺憾，*要去到夏威夷...仲要平日...真係有難度*，所以下年BB出世我一定送份大禮賀賀佢。

估唔到今年回歸十週年中央政府會借出清明上河圖，這幅畫不會長期展出，就算到北京博物館亦未必有機會看到，這件一生人可能只可見一、兩次的名寶當然要去看看，好彩一早已在綱上購票，現場基本上是無機會買得到門票的，因每小時限制人數進入，而每次只容許二、三十人進場及只有五分鐘參觀時間，需則時間太短不能仔細欣賞，但見到幅畫已覺得非常感動，每個細節描繪得非常精彩，真是不枉此行~

再嚟料~

Patrick:

如果您真想把事情再找出來、我帶著難過的心情告訴您。

二月T先生Post 不專重的批評俱樂部捐款箱、V小姐也加上我會利用來扣稅、他的的說話我不介意、二人的品德我很清楚。但您、是俱樂部的資深會員、而且將來也有很多合作機會的伙伴、卻到我最需要人支的時候當面說出以下這些話

「咁放個箱呢捐錢等如在街上一些不知名的機構捐款錢、D錢唔知D人用左去邊」。

捐款箱的錢本身是屬於我的、我捐給有需要的朋友卻換來一些人包括好朋友(您)的這些說話、這說話看了怎不令我心痛。

各位今天有一個地方分享及試聽耳機、完全是我的努力。

一些舊會員不滿於新會員只談平價耳機而三五知己自行談天說地或離開這是正常的情況、舊人去新人來、出出入入本平常。

14字真言我永遠堅持、但必需在別人尊重我的大前題下。

亦軒不能滿足所有人、但我由2004年討論區成立、2006年俱樂部有正式新會地址、我未必每件事都做得正確、但我從無做過害人或壞事、我對得住自己、對得住所有人。

相比起其它人、其實我並不太嬲您、只是每當我想起辛苦建立一個地方、做很多公益的事、卻換來這樣的對待、再加上您之前的說話、令我意慶難柵、當時我曾有過CLOSE討論區及結束俱樂部的想法。

過去的事己成過去、嬲人其實很辛苦。

如果您認為您沒有說過或不認同我的說法、算了吧、我不是怕面對人、只是我是一個不善歡浪費時間去爭論的人、我喜歡用一些時間做實幹的事。

P.S 管理在每一個階段都需學習、但在我公司及我這幾年來管理亦軒成績大家有眼見。

隨心吧。

Mingo

又害我作文，日日寫真係就嚟可以出專欄:

Mingo先生

先要謝謝你回覆，真是相當意外，只是幾件事想弄清楚:-

我只記得post過這一段：睇完豆腐篇post反而令我想起一個法律問題，當意見聽聽算，依家情况有點似在街上以某機構名議賣旗，扣除開支後餘額以該機構名議捐錢，咁樣做會唔會有問題？可能真係要問問"百法百眾"。

而你Quote出來那段我不記得有沒有寫過，因個post已被kill，如有辦法令個post起死回生，煩請送我一張screen shot作紀錄，等我將來可以以此為鑑。

?#25424;款箱的錢本身是屬於我的?#65292;對這話我有所保留，捐款箱是你的沒錯，但用籌務的字眼作呼籲買飲品作捐款，其他人捐出錢後(基本上大部份到俱樂部
的都自願買一包飲品吧)，內裏的錢就不屬於你私人財產，怎也說不通，老實話，捐款用作扣稅乃普通事，為何這樣介意？既然你介意他人說你利用捐款來扣稅，何
不用佚名名義捐款而要用亦軒的名義捐款？亦軒不是注冊慈善機構，引人懷疑不無道理。

?#21633;放個箱呢捐錢等如在街上一些不知名的機構捐款錢、D錢唔知D人用左去邊?#37027;時我寫出這說話也不難理解吧？這是對事而不是對人。

'一些舊會員不滿於新會員只談平價耳機而三五知己自行談天說地或離開這是正常的情況、舊人去新人來、出出入入本平常。'你喜歡自圓其說請隨便，不
過我可以肯定同你講唔係你所想的一樣，舊會員不是個個富貴不玩平價耳機，反而現在是耳筒區現只有貴價耳機show off
post及水post嚇怕人，一係就只得宣傳鎗文，反而技術性及有參考性文章久奉，誰會有興趣去睇？

以前我所認識的一大班舊會員還時常聯絡及定期舉辦耳機聚會，只是沒用亦軒作平台來分享，有部份會員更只用PM及用MSN分享及詢問，你以為真的沒
人討論平價耳機嗎？在大陸、台灣的討論區都有我所認識的舊會員出post討論，為何移師到哪兒？原因很簡單，大部份人都受不了你所訂的畸型落伍規條，言論
封鎖仲厲害過共產黨，你的所謂版主像義和團護主一樣盲目kill
post，說真的，某幾位所謂版主其實咪係長期到俱樂部玩嗰幾位，你估那幾位願不願意站出來給亦軒意見？幫手寫鎗文就義不容辭！

'當時我曾有過CLOSE討論區及結束俱樂部的想法。'係咪真係捨得結束討論區及俱樂部？一陣又搬大舖愈做愈大、一陣又消極到話要結束俱樂部、一陣又攪綱上店、寫新耳機宣傳鎗文、但又想CLOSE討論區？即係點？唔明！

'過去的事己成過去、嬲人其實很辛苦。'一句說話記足半年，你唔提我都唔記起，我都覺得辛苦。是不是不太嬲我就唔知，不過你第一封PM回覆我就覺得充滿恨意。

你都識得講將來也有很多合作機會，其實大家都係商人，做商人最終目的只有一件事，就係有冇利可圖，所以同我講說話不需轉彎抹角，直接說好了。

P.S. 大家都係成年'麻甩佬'，况且又係PM，只有你同我睇，大家坦蕩蕩打開天窗說亮話，我唔係水汪汪、大大眼妙齡少女，可能係你的寫文style，但感性的詞彙可免則免，有時真係睇到我毛管恫。

Patrick

Oo~~ 太好玩了~~~