一個月內已去過幾個地方，計吓數原來過年後只有六日留喺香港，真係夠哂精彩~~工作需忙，都抽到少少時間去參觀未到過的名勝。

武漢黃鶴樓，今次終有機會一到。

上海豫園基本上每次都去，只是最主要去城隍廟祈福，黃昏時段去就真係第一次，仲撞正元宵佳節，所以四處掛上花燈，又有另一番景像。

今次有客到關係，所以有時間順便再遊周莊，記得上次到周莊已是八年前，感覺已不同，商業化不少，但都仲保留到水鄉氣息，個人覺得起碼好過烏鎮變得不倫不類。

蘇州去過N次，但每次都匆匆忙忙，要即日回上海，今次難得有機會有半天假兼住一晚，所以到酒店放下行李就即係出去逛逛，到中國四大古典名園之一的留園，只想講，以前的人真識嘆~~~

出差固然辛苦，但呢幾次有時間走走各名勝又幾開心，當收bouns啦~~

過年後返工唔夠一個星期，已將八個月嘅行程全部佔滿，今年可以話個個月都咁精彩~~~

A: 星期四訂咗位未？
B: 一早訂咗啦，今年咁旺，遲少少都冇位！
C: 星期四初八，有乜好慶祝？？(迷~~~)

A + B: 星期四！二月十四情人節呀！懵佬！！

C: ................(冏)

近排難得空閒，由倉底攞返幾套買咗好耐又冇時間睇嘅漫畫出嚟，上星期一口氣睇完全套橫山光輝先生嘅項羽與劉邦，基本上個故事已被做到爛，可以講睇過N咁多次兼背都背到出嚟，不過漫畫版就第一次睇，個人覺得寫漫畫係要儘量用最小字去表達出個意境，太多字不如睇小說，橫山光輝先生就做到依一點，大師即係大師。遲下會再睇返佢套三國志，不過真係要好得閒先得，成幾十本.....都係先睇佢套史記先~~~

標題講得漫畫熱，梗係唔只咁一套書咁少嘢，除咗以上仲睇返好多套6、7、80年代舊漫畫(係~我只喜愛舊漫畫)，先幾日用兩日睇完成套模型神童3四郎，依套漫畫都勾起唔少回憶，當年都買唔少佢嘅模型玩~跟住之前又睇返成套怪醫、北斗之拳、惡魔人、火之鳥、巨人之星、明日之丈、山T等.......只係不經不覺，一個月內原來睇完咁多套漫畫，連我自已都覺得過份、overheat，係時候歇一歇。

話說上兩個星期前開始玩返Thai boxing，頭兩堂真係體力不支，未夠鐘已經burn out瞓喺度，第二日返工完全失神，成個人好似飄吓飄吓咁，認真失禮~~轉去新地方之後，好難得黃金時段只係得一、兩個人，(反而女賓部就常時full house，真奇怪~~~)人流較少關係，比起以前舊址時代train多一倍以上份量，經過幾堂地獄式訓練後，依家體力回復得好快，近一、兩堂都可以叫完全train足，睇嚟目標可達。

加油！！！

2007啱啱過，回顧吓2007下半年真係過得幾頹，出差外遊太多關係，完全spare唔到時間做運動，結果有成五個月冇去做Train up~~~眼見個腩位日漸漲大，條士啤呔愈來愈粗，精神亦轉差，係時候再打開起動掣，回歸Thai Boxing懷抱。

話說上個月去返舊址上堂，真係人多到打針都插唔入，尤其放工後黃金時段，一堂有十個人以上，基本上個trainer已經接應不暇，後來聽到reception位靚女講銅鑼灣間總店搬咗新地方，面積比以前大，人流亦較少，但價錢當然貴多少少~~不過計過數，新店的堂費需然貴，但coupon冇expire date，算起上嚟我以前好多時冇時間出席而浪費唔少錢，所以個plan好啱我，加上喺銅鑼灣，地點方便好多。

直到昨日放工後第一次去新地方，果然係大好多，trainer亦有五位在陣，更衣室亦夠寬惝，人流比起舊址少大半以上，reception位靚女真係無介紹錯~~~到正式開始時......咦......點解得我一個人......(汗) 心諗1 on 1好易操到冇命喎......好彩之前同個trainer講我冇玩半年，叫佢將節奏放慢少少，不過都俾平時操多1/3分量，骨都散埋~~今日返工全身乏力，原來我的體力已退化成咁，唔得~今個星期日要再戰！！目標係要少於半年內修好身型！！

今次揀選的温泉酒店，係so far去過咁多間中，我覺得水質最好，早、晚餐亦做得最好的一間，有機會我會再去。今次去居然只得三間客房有客，所以住客好少，夜晚浸温泉可以話係包場，女將亦非常親切，俾私人温泉我哋免費任用。

去過幾次伊豆下田，基本冇正正式式行過名勝，每次都直接去酒店嘆而懶得四圍走，今次女將對我哋非常好，專登委託司機帶我哋去各景點~~

返到東京，對我已全無新意，次次都一樣，只係食同買~~最可惜班friend個個年尾要加班唔得閑，見唔到面......><

今次戰利品

明年夏天再去久違了的逗子葉山~~~~

前幾日無厘頭公司派我去日本開會，原本一早定聖誕過去玩幾日，今次突然要我過去真係失哂預算，一個月內過兩次日本都算少有~~~~

今次戰利品，SONY PFR-V1，原本冇想過要買，但一試之下就出事.........呢隻好嘢嚟，點解冇人識貨？

開箱紀念~~

隻嘢好難推，用手提機推有難度！又要馬拉松式煲機！聽感後上~~~
  

cont.

近排天氣開始凍，係時候進補。話說由舊年開始，一直尋找電源線，需說現有兩條ZU頂住，但真係効果唔係咁理想，經過多月試線篩選下，目標定下兩條，一條係CSE L-55R，另一條係JPS Labs Kaptovator，CSE L-55R係新產品，香港已見有現貨賣，不過價錢差別好大，所以諗住月尾過日本先格價再決定，加上產品太新，等班白老鼠先出動試試乜料先。致於JPS Kaptovator，上次去添置試過，此線屬好力兼幫音質裝修(即寧靜度, 密度, 深闊度, 清晰度)的線，而且音色較中性，好啱聽耳筒用，同場用上Voodoo Black Dragon(唔同grade...但冇計，佢冇Gold Dragon我試，條Kaptovator可以話overkill)比較，高下立見。因此，我對JPS Kaptovator印象好深刻，他朝一日非要收為已用。

上星期好偶然咁見到某二手區有位仁兄放出嚟，價錢只可以講Okay，所以我只問佢有冇齊packing加invoice兼係咪行貨，點知條友仔覆我慢之餘仲帶我遊花園，話packing放喺賣俾佢間舖頭，不過可以揾番，但係又冇invoice....我只可以講睬佢都傻，個價咁高仲要冇invoice兼來歴不明，揾鬼買啦！不過喺等佢覆之期間，又俾我見到另一二手區有人放條JPS Labs Aluminata，個價仲幾荀，所以即刻同佢deal咗，原因係佢有齊packing、有invoice、條線好新淨，仲要覆得好快，即買！位仁兄原來玩過好多高階嘢，講得出嘅牌子佢都玩過，相當有米，加上佢又好鬼好傾，交收嗰日兩條傻佬喺美麗華企喺度傾足九個字，真過癮~~

個packing真係幾實淨，成個鐵盒。條蛇真係好夠斤兩，成兩斤重都有~~~

講返插上CDP後第一感覺，背景比以前真係靜好多，所以音樂一出，個感覺好顯注，密度較以前提升，音場都伸延濶左好多，定位有改善，所有樂器都一件件表現出來，高音較之前圓滑，要讚係底頻方面，下潛更深，一條電源線有咁多改善，總算冇入錯貨。